ភ្នំពេញ៖ប្រមុខរាជរដ្ឋាភិបាលកម្ពុជាសម្ដេចតេជោ ហ៊ុន សែន បានចេញអនុក្រឹត្យបញ្ចប់មុខតំណែង ផ្ទេរ និងតែងតាំងមុខតំណែងមន្ត្រីនគរបាលជាតិថ្នាក់ឧត្ដមសេនីយ៍ចំនួន៣រូប។ នេះបើយោងតាមអនុក្រិត្យ ដែលទើបទទួលបាននៅថ្ងៃទី២៧ខែកុម្ភៈ ឆ្នាំ២០២៣ មន្ត្រីនគរបាលជាតិថ្នាក់ឧត្ដមសេនីយ៍ចំនួន ៣រូប រួមមាន៖
១លោកឧត្ដមសេនីយ៍ទោ ឈឿន ប៊ុនឆនបញ្ចប់តំណែងជាប្រធាននាយកដ្ឋានវិទ្យុទាក់ទង ។ ២ លោកឧត្ដមសេនីយ៍ទោព្រុំ សន្ធរ ផ្ទេរតំណែងពីស្នងការនៃស្នងការដ្ឋាននគរបាលខេត្តព្រៃវែង ទៅជាអគ្គស្នងការរងនៃអគ្គស្នងការដ្ឋាននគរបាលជាតិ និង៣ ចំណែកលោកឧត្ដមសេនីយ៍ទោ ផាន់ សុផល ជាប្រធាននាយកដ្ឋានវិទ្យុទាក់ទងវិញ។
