បរទេស÷ លោក Errol Musk អាយុ ៧៦ឆ្នាំត្រូវជាឳពុកបង្កើតរបស់កំពូលមនុស្សពិភពលោក Elon Musk បាននិយាយថាមានក្រុមហ៊ុនមួយនៅប្រទេសកូឡុំប៊ីចង់ឱ្យគាត់បរិច្ចាគមេជីវិតឈ្មោលដើម្បីធ្វើឱ្យមានកូនជាមួយស្ត្រីជនជាតិកូឡុំប៊ីលំដាប់ខ្ពស់ដោយសារតែពួកគេនិយាយថា ហេតុអ្វីបានជាទៅរក Elon Musk នៅពេលដែលពួកគេអាចទៅរកមនុស្សពិតប្រាកដែលជាអ្នកបង្កើត Elon ?
កីឡាករសញ្ជាតិអាហ្រ្វិកខាងត្បូងរូបនេះបាននិយាយថាគាត់មិនត្រូវបានគេផ្តល់ការបង់ប្រាក់សម្រាប់ការបរិច្ចាគនោះទេ ប៉ុន្តែគាត់អាចទទួលបានអត្ថប្រយោជន៍ផ្សេងទៀតសម្រាប់ការធ្វើជាម្ចាស់ជំនួយមេជីវិតឈ្មោលដូចជាការធ្វើដំណើរលំដាប់ទីមួយ ការស្នាក់នៅសណ្ឋាគារផ្កាយប្រាំ និងអត្ថប្រយោជន៍ផ្សេងៗទៀត។
ថ្មីៗនេះគាត់បានបង្កើតកូនបានពីរនាក់ទៀត ហើយគាត់ក៏មានឆន្ទៈចង់មានកូនបន្ថែមទៀតប្រសិនបើអាចធ្វើបានដើម្បីបង្កើតមនុស្សជំនាន់ថ្មីនៃ Elons” Elon Musk ជានរណា ?
Elon Musk អាយុ 51 ឆ្នាំ ជាសហគ្រិននិងជាមហាសេដ្ឋីជនជាតិអាម៉េរិកដើមកំណើតអាហ្រ្វិកខាងត្បូងដែលបង្កើតក្រុមហ៊ុនទូទាត់លុយតាមអេឡិចត្រូនិក PayPal, ជាអ្នកបង្កើត SpaceX, ជាអ្នកផលិតយានបាញ់បង្ហោះលើអវកាស។ គាត់ក៏ជាវិនិយោគិន និងជានាយកប្រតិបត្តិនៃក្រុមហ៊ុនផលិតរថយន្តអគ្គិសនី Tesla និងក្រុមហ៊ុនមួយចំនួនទៀត។
Elon Musk កើតពីឪពុកជនជាតិអាហ្វ្រិកខាងត្បូង និងម្ដាយជាជនជាតិកាណាដា។នៅអាយុ 12 ឆ្នាំគាត់បានបង្កើតវីដេអូហ្គេម ហើយលក់ទៅឱ្យទស្សនាវដ្តីកុំព្យូទ័រ។បន្ទាប់ពីទទួលបានលិខិត ឆ្លងដែនកាណាដានៅឆ្នាំ1988 លោក Musk បានចាកចេញពីអាហ្វ្រិកខាងត្បូងដើម្បីស្វែងរកឱកាសផ្នែកសេដ្ឋកិច្ចនៅក្នុងទឹកដីប្រទេសលោកខាងលិច ជាពិសេសសហរដ្ឋអាម៉េរិក។ (បុរសដែលពូកែៗ រង់ចាំឱកាសនឹងមកដល់)
ប្រភព៖ The Sun
