ស្ទឹងត្រែង÷ យ៉ាងហោចណាស់មាននាយទាហានចំនួន២នាក់បានស្លាប់នៅនឹងកន្លែងនិង៤នាក់ផ្សេងទៀតរងរបួសធ្ងន់ស្រាលក្នុងហេតុការណ៏កន្លែងទីលានបាញ់គ្រាប់ពិតក្នុងភូមិសាស្ត្រទឹកដីខេត្តស្ទឹងត្រែងនោះ ។
ហេតុការណ៍បាញ់គ្រាប់ពិតនេះធ្វើឡើងកាលពីវេលាម៉ោង៩ព្រឹកថ្ងៃទី១៤ខែមករាឆ្នាំ២០២២ បណ្តាលឲ្យមានទាហានចំនួន២នាក់បានស្លាប់ និង៤នាក់ផ្សេងទៀតរងរបួស។អ្នកស្លាប់២នាក់មានម្នាក់ ឈ្មោះ យូម សុផាន់និត ភេទប្រុស អាយុ៣០ឆ្នាំ មានដើមកំណើតនៅ ស្រុកមោងឫស្សីខេត្តបាត់ដំបង ។
សាច់ញាតិរបស់យុទ្ធជនយូម សុផាន់និត បានឲ្យដឹងថាកូនប្រុសរបស់គាត់ធ្វើជាកងទ័ពនៅវរសេនាតូចកងកាំភ្លើងធំ ចំណុះយោធភូមិភាគទី១ ខេត្តស្ទឹងត្រែង។ កូនប្រុសរបស់គាត់មានចរិតស្លូតបូតសុភាពរាបសារ គួរជាទីស្រលាញ់ក្នុងសង្គមក្រុមគ្រួសារ ។ពេលដឹងថា កូនស្លាប់គាត់សង្វេគតក់ស្លុតរន្ធត់ចិត្តខ្លាំងណាស់ ត្បិតការបាត់បង់នេះមិនវិលមកវិញឡើយនិយាយបណ្តើរលាយលំដោយសម្លេងខ្សិបខ្សួលគួរអោយអាណិត ។
![](https://www.cyclokhmerpost.com/wp-content/uploads/2022/01/received_471413454380950.jpeg)
វិញ្ញាបនបត្រនិងរូបថតកាលនៅរស់
ចំណែកមន្ត្រីយោធាម្នាក់ដែលជាយុទ្ធមិត្ត ផ្នែកស្ថិតិ បានឲ្យដឹងថា ÷ ហេតុការណ៍បាញ់គ្រាប់ពិតនោះ ធ្វើឡើងនៅទីលានបាញ់គ្រាប់ក្នុងខេត្តស្ទឹងត្រែង មូលហេតុដែលនាំឲ្យគ្រោះថ្នាក់កើតឡើងនេះដោយសារខុសបច្ចេកទេសលោកថា យុទ្ធជនយើងស្លាប់២នាក់ ដោយឡែករបួសលោកមិនហ៊ាននិយាយទេ ។
បងស្រី យុទ្ធជន យូម សុផាន់និត នៅឯខេត្តបាត់ដំបងបានឲ្យដឹងថាពេលនេះក្រុមគ្រួសាររបស់គាត់បាន រៀបចំផ្ទះសម្បែងរួចហើយដើម្បីតម្កល់សពធ្វើបុណ្យទក្ខិណានុប្បទានឧទ្ទិសកុសលជូនវិញ្ញាណក្ខន្ធ ប្អូនប្រុសដែលបានស្លាប់នោះតាមប្រពៃណីព្រះពុទ្ធសាសនា ៕ដោយ÷ កាឡាបរិវាត់